自認麻煩友難服待 黃浩然唔打擾黃心穎:佢自己可以復元到-世界最高楼

自認麻煩友難服待 黃浩然唔打擾黃心穎:佢自己可以復元到 • 

自認麻煩友難服待 黃浩然唔打擾黃心穎:佢自己可以復元到

黃浩然受訪《舊日的足跡》。

被問及該劇與黃心穎的戲份要重拍會否感到可惜?浩然表示:「當時都擔心套劇出唔到街,幸好有三個好彩:好彩公司畀咁大資源重拍呢部份;好彩所有演員都有期;好彩我未剪短頭髮……其實同心穎合作好好㗎!係好愉快嘅經驗。」他又謂:「依家由湯洛雯(阿湯)補上,我爭取同佢排戲,仲喺去台灣拍外景嘅前兩日,我哋排晒戲先出發,現場一氣呵成,其實阿湯都好有經驗。」浩然希望觀眾將焦點放在阿湯的努力上,因為其角色十分複雜,要演繹多種不同層次的內心狀態,確實花了不少功夫。就黃心穎早前返港,浩然謂:「我大男人一個唔會騷擾佢喇!如果佢要約我哋隨時歡迎,佢應該自己可以復元到嘅!」 浩然表示雖然在電視台從未得過大獎,但非常感恩曾嘗試演過很多不同角色。他在電影圈也有情意結:「就係希望師傅杜琪峯唔好咁快退休,我要做佢一套戲嘅男主角。我依家係電影圈新人,希望同新一代擦出火花,我要落力去做,取得觀眾認同才算任務圓滿。我一直覺得自己係『麻煩友』,連太太都話我難服侍,其實我已經改咗好多,我嘅字典係你唔鍾意我,都唔好憎我!仲有,六年前因大病失掉《張保仔》主角之後,我更加明白家庭與事業取得平衡仲未足夠,要家庭、事業同健康三線並行先算成功!」

自認麻煩友難服待 黃浩然唔打擾黃心穎:佢自己可以復元到

黃浩然稱同黃心穎合作是愉快經驗;亦讚接力重拍的湯洛雯很有經驗。

黃浩然受訪電台節目《舊日的足跡》,看似活潑好動的浩然在節目中坦承自己是個沉悶的人,雖然就讀大學時是跳舞學會主席,以往都很高調,但現在回想起自己都想作嘔。當年畢業後,他只想找份安穩工作過一生,誰知竟有緣遇上師傅杜琪峯,並參演了電影《十萬火急》,從此踏上星途。 黃浩然謂首見自己現身大銀幕非常有滿足感,自此令他醉心夢工場。可惜浩然入行後,香港電影走淡,他轉戰電視界,由不知天高地厚的「死𡃁仔」,到擔當男主角。浩然對最近熱播的《法證先鋒IV》寄望甚殷,他更謂:「為咗有更好嘅演出,我重溫咗之前三集《法證先鋒》(系列)。小青姐(監製梅小青)要求好高,人人拍古裝都唔敢畀佢望太耐,因為個妝隨時要從頭執過……佢(小青姐)事事親力親為,驗屍咁驗。今次劇本好精細,演員要95%跟晒台詞,唔係人人都食得起,我當然不敢怠慢,食飯、瞓覺、上洗手間都在背台詞,我依家發音標準咗好多。」

黃浩然因《多功能老婆》再添人氣。

自認麻煩友難服待 黃浩然唔打擾黃心穎:佢自己可以復元到
分享
更多相关文章
蒋经国的儿子|越南乳瓜|历史故事|库鲁伯亚拉洞穴|四大凶兽|渡劫失败|孟姜女哭长城的故事|越战女兵|温州动车事故真相|西晋第一个皇帝|世界十大水怪